រឿង៖ មិនបានទេ

ស្រី​បម្រើ​មុខ​ស្លេកស្លាំងរ​ត់ទៅ​ជួប​ថៅកែ​ស្រី​របស់​ខ្លួន​ ​៖

-វីវរ​ហើយ​លោកស្រី​, ថៅកែ​ប្រុស​កំពុង​ផ្ទុះ​កំហឹង​ដូច​ភ្នំភ្លើង​ ​។ ថ្ងៃនេះ​មានរឿង​ធំ​ហើយ​ ​។
-រឿង​យ៉ាងម៉េច​ ​?
-ពុំ ​ដឹង​អ្នក​ណា​ប្រាប់​គាត់​ថា​ ​ពេល​គាត់​ទៅ​ខេត្ត​ឆ្ងាយ​មាន​ប្រុស​ម្នាក់​មក​ដេក​នៅផ្ទះ​នេះ​ ​ទើបតែ​ចេញ​ទៅ​វិញ​ ​ព្រឹក​មិ​ញ​ ​មុន​គាត់​មក​ដល់​ប្រហែល​៣​ម៉ោង​ ​។
-បើ​អ៊ីចឹង​ឯង​ជួយ​យើង​ផង​ទៅ​ ​។
-ឱ្យ​ខ្ញុំ​ជួយ​យ៉ាងម៉េច​ ​?
-ឯង​ទទួល​ជំនួស​យើង​ថា​ ​ប្រុស​នោះ​មក​រក​ឯង​ ​មិនមែន​មក​រក​យើង​ទេ​។​
-រឹតតែ​មិន​បាន​ទៅ​ទៀត​ ​។
-ម៉េច​អ៊ីចឹង​ ​?
-ព្រោះ ​គាត់​ធ្លាប់​និយាយ​ជាមួយ​ខ្ញុំ​ថា​ ​គាត់​សុខចិត្ត​លែង​លោកស្រី​ ​មិន​បោះបង់​ខ្ញុំ​ដាច់ខាត​ ​។ បើ​គាត់​ឮ​ថា​ ​ប្រុស​នោះ​មក​រក​ខ្ញុំ​ ​មិនមែន​រក​លោកស្រី​ ​ខ្ញុំ​មុខជា​ត្រូវ​ស្លាប់​ជំនួស​លោកស្រី​មិន​ខាន​ ​។